« Anmwe »
Si nou ap rele anmwe
Sè ke nou fout bouke
Bagay la rive twò lwen
Li lè pou nou mete fren
II
Nou refize kenbe men
Kouwè chen manje chen
Nap plede jape pou zo
Epi nou kouche sou do
III
Ou gade menm lan Nò
Pa gen gason bòzò
Lò w desann lan kapital
Bagay la rèd li fatal
IV
Papa gede tout en nwa
Paske li wè tout nwa
Li pap monte o palè
Pou yo pa di l se flatè
V
Nou menm ki lan dyaspora
Nou kòmanse sanble rat
Nou pale nou pale nou pale
Paske nou tout ap byen manje
VI
Nou tèlman gen pwotockòl
Ke nou pa pale kreyòl
Nou pale angle kou ti blan
Pou franse se tout tan
VII
E nou se jèn jan bwòdè
Nou pap ka tounen dèyè
Si’n bliye lakay se lakay
Ti mal nou pa lan batay
SHM av.
PS. Nos sincères remerciements au Dr Hugues St-Fort pour la révision et la correction du présent texte.
Commenter cet article