/image%2F1034110%2F20221028%2Fob_0c2a43_thumbnail-13.jpeg)
Rish ou bien dann lokisité ? Rézonab ou sansa rézodiab ?
Moin na konm l’idé na in pé i pran dmoun pou zouèr kart ! I kroi ni konpran pa arien ! I pans nou lé nil dann péi la nilité ! Solman, zot i koné pa nou ossi, déyèr nout télé, nou l’apré kalkil azot... Mi an souvien méssié Fillon, in zour, la fé in kozman dan la Corse épi la di karéman : la France lé an fayite, èl lé an sésasionn pèyman... Posh lo péi na trou ! Mi ansouvien lo prézidan li ossi la di lo mèm zafèr, é pa arienk in foi ankor...
D’in kou gouvèrnaye èk gouvèrnman i sort trouv troi miliar pou ashète in bank la fé lintéréssan avèk larzan la pa li la-ba dann l’Amérik, épi vinn-dé miliar pou tienbo le rin déssèrtin lantropriz. Ala k’zot i di l’État nana zaksion dann lantropriz épi li ankèss dividann an poundiak, in ta èk in paké... Donkalor, li nana lo pourkoi an sifizans.
Alor, oussa i lé la vérité : l’État lé rish konm Crésus, ou bien li lé o flan ? Li na la fèss an or, ou bien la fèss Grandyab ? Lo péi lé dan lokissité, ou bien li dor déssi matla larzan ? Zot l’apré dépans konm k’i fo ou bien gaspiyé ? Zot i azi an bon pèr d’famiy sansa an fou-fou ? Zot lé rézonab sansa rézodiab ?
Justin
D’in kou gouvèrnaye èk gouvèrnman i sort trouv troi miliar pou ashète in bank la fé lintéréssan avèk larzan la pa li la-ba dann l’Amérik, épi vinn-dé miliar pou tienbo le rin déssèrtin lantropriz. Ala k’zot i di l’État nana zaksion dann lantropriz épi li ankèss dividann an poundiak, in ta èk in paké... Donkalor, li nana lo pourkoi an sifizans.
Alor, oussa i lé la vérité : l’État lé rish konm Crésus, ou bien li lé o flan ? Li na la fèss an or, ou bien la fèss Grandyab ? Lo péi lé dan lokissité, ou bien li dor déssi matla larzan ? Zot l’apré dépans konm k’i fo ou bien gaspiyé ? Zot i azi an bon pèr d’famiy sansa an fou-fou ? Zot lé rézonab sansa rézodiab ?
Justin
Elle se trouve dans Témoignages, journal en ligne réunionnais :
http://www.temoignages.re/sommaire.php3
/https%3A%2F%2Fi.ytimg.com%2Fvi%2F-ty7u0QXhyE%2Fhqdefault.jpg)
/https%3A%2F%2Flafabulerie.com%2Fwp-content%2Fuploads%2F2026%2F02%2FChatGPT-Image-18-fevr.-2026-10_50_49.png)
/https%3A%2F%2Fi.ytimg.com%2Fvi%2FVoZ5he6hvzo%2Fhqdefault.jpg)
/image%2F1034110%2F20250222%2Fob_f502b6_mail-7.jpeg)
/https%3A%2F%2Fi.ytimg.com%2Fvi%2F0Nw3kRS3-h4%2Fhq2.jpg)
/https%3A%2F%2Fi.ytimg.com%2Fvi%2FMthSl-2IyFg%2Fhqdefault.jpg)
/https%3A%2F%2Fi.ytimg.com%2Fvi%2FWPRueNR4LMA%2Fhqdefault.jpg)
/image%2F1034110%2F20260625%2Fob_fef782_cpt-fils-aime.png)
Commenter cet article