Lu sur le net : ' Mwen vit konprann sektè mafye laprès la pral kanpe an kwa pou asire rapò komisyon Evalliere Beauplan mouri.'

Publié par siel sur 29 Novembre 2017, 14:23pm

Catégories : #AYITI ROSE RAKET, #AYITI EXTREME DROITE, #PEUPLE sans mémoire..., #DUVALIER, #LU SUR LE NET

Lu sur le net : ' Mwen vit konprann sektè mafye laprès la pral kanpe an kwa pou asire rapò komisyon Evalliere Beauplan mouri.'

Depi kèk jou mwen te vle atire atansyon nou sou atitid laprès, map pale sektè mafye laprès, nan dosye PetroCaribe. Mwen te ginyin chans tande 3 entèvyou bidon ak 2 jounalis ki fè pati sektè mafye laprès la: ansyen Premye Minis Bellerive nan mikro Valery Numa ( Vision 200), ak Garry Pierre Paul Charles ( Scoop fm),ak ansyen Minis Finans Wilson Laleau nan mikro Garry Pierre Paul Charles. Mwen vit konprann sektè mafye laprès la pral kanpe an kwa pou asire rapò komisyon Evalliere Beauplan mouri. Sèl chans sosyete a, ak moun ki fè pati sa mwen rele "Le bloc du Non " genyen pou wè kòd foure nan kou tout vòlè ki mange kòb PetroCaribe a, se ekspoze tout jounalis mafia ki viv, benefisye dirèk ou endirèkteman de koripsyon. Ozetazini nou rele jounalis mafia sa yo " Journalist embedded " sa vle di yo dòmi sou minm kabann ak koriptè, vòlè.

Dapre enfòmasyon yon sous pwòch Palais National banm, Garry Pierre Paul Charles bati kay ( Villa) li genyen nan peyi li ( Mirebalais) ak materyèl CNE. Ou panse yon nèg konsa kapab kont koripsyon? Garry Pierre Paul Charles se yon nèg "riche" li achete kay Florida sou nom Madanm li, Garry Pierre Paul Charles posede 2 machin blende ( ki pa pran bal), etc., nou tout konnen se pa metye jounalis ki bay Garry fòtine li genyen an. Nou sonje pandan Wilson Laleau te nan mawon, nan kache sou Priivert, Garry Pierre Paul Charles, sur les ondes, te mande Wilson Laleau pou pataje kòb la avè'l, li te menm mande Laleau pou mare kòb nan sachè plastik voye bali ? Mwen sonje bagay sa tankou jodya. Sa ki ba nou rezon pounn kwè Wilson Laleau peye GPPC pou entèvyou karese boubout sa.

Valery Numa se yon lòt chanpyon nan koripsyon ankò. Si nou pran pataje istwa Valery ak koripsyon nou pat fini. Nou tout konnen Otèl Valery Numa a se rezilta koripsyon.

Yon mikroman tankou Bob C, Radyo Caraibes, benefisye anpil nan koripsyon. Nou wè Bob C bati anpil kay/ apateman pou lwe. Mwen espere Bob C konen sosyete a pa égaré. Se yon istwa damou ant ant Bob C ak koripsyon.

Genyen lòt ti radyoman tankou Emmanuel Jean Francois, Radio Caraibes, Guerre D'Haiti ou Guerrier Henry ki viv anpil de koripsyon.

Jounalis mafia sa yo kapab rele jan yo vlé, fè bri pou blofè moun tankou yo kont koripsyon, pa okipe yo tout se blòf paske yo viv de koripsyon. Se pou rezon sa vòlè PetroCaribe yo mete jounalis mafia devan pou defann yo, ak sal rapò PetroCaribe a.

Li enpòtan pou nou kòmanse ekspoze jounalis mafia sa yo ki viv ak benefisye de koripsyon, sitou lè nou rele nan emisyon Radyo. Sosyete pap genyyin batay kont koripsyon an, si nou pa sible jounalis ki viv de koripsyon epi ekspoze yo.